Kreu i Partisë Demokristiane, Nard Ndoka, zbuloi në studion e ‘Report Tv’ se protestat do të vijojnë, si një mënyrë për të larguar kryeministrin Edi Rama. Ai paralajmëroi që ato do të jenë më të ashpra dhe më të dhunshme, pasi sipas Ndokës “rruga europiane” nuk ka ndikuar te Rama.
“E vetmja mënyrë është protesta, por Rama e ka treguar se nuk ndikohet nga sjellja europiane dhe do një formë tjetër. Drejt asaj po shkohet. Po i vjen dita”.
Referuar çështjes së Reformës Zgjedhore, Ndoka u shpreh se pjesëmarja e opozitës parlamentare në këtë Komision është e panevojshme. Me argumentin se deputetët e rinj nuk përfaqësojnë vullnetin e popullit.
“Komisioni që është problematik, dhe në aspektin Kushtetues. Kemi Parlament monopartiak, me deputet të pavarur. Nuk përfaqësojnë një parti politike, as elektoral.
Nuk ka dy opozita, ka një opozitë që ne kemi një përfaqësim politik të elektoratit tonë. Ne kemi një mandat nga populli, por kemi shkëputur marrëdhëniet me Kuvendin.
Brenda kemi disa deputet të pavarur, por nuk përfaqësojnë opozitën. Duhet të ketë një lojë logjike. Nuk mund të jetë një komision ilegjitim, s’kemi vërejtje të kësaj mazhorance, përtej Gjiknurin.
Disa personazhe nuk e kanë vendin aty, por nuk mund të japin peshë politike dhe nuk janë votuar në zgjedhjet lokale. Disa individ që nuk janë votuar nga populli. Ata duhet ta kuptojnë vetë, se pesha e tyre politike nuk përfaqëson asgjë.
S’kanë as karakter politik, mungesa e përfaqësimit nga populli, janë zgjidhje individuale që ato bëjnë. Nuk duhet të flisnin në emër të opozitës. E pafalshme në aspektin politik”, tha ai.
