Pak ditë më parë, Ilir Meta postoi një video në TikTok ndërsa ndodhej me Nard Ndokën në pishinë. Kreu i Partisë së Lirisë, Ilir Meta, shpërndau një video të postuar në rrjetin social Tik Tok, që mban emrin “tiktokulirisë”, ku jep dhe një mesazh për zgjedhjet e ardhshme lokale.
Nard Ndoka tregoi për Euronews Albania se nuk priste që Ilir Meta ta hidhte në TikTok videon që xhiroi me të nga pishina.
Ai tha se u takuan krejt rastësisht dhe u afrua për ta përshëndetur, para se të nxirrte telefonin.
“S’kishte ndonjë problem ajo, po tani njeriu ka dhe jetën jashtë politike, jetën private. Momentet që nuk dëshiron t’i ndajë me të tjerët”, tha Ndoka, i cili shtoi se është kundër ekspozimit të jetës personale në rrjetet sociale.
