Studentja shqiptare e cila ishte në “vatrën” e koronavirusit, në Wuhan të Kinës, së fundmi ka mbërritur në Turqi.
Bëhet fjalë për Silvana Doçin e cila bashkë me 41 persona të tjerë është evakuuar nga Wuhani dhe tashmë ndodhet në Turqi.
Ministria e Jashtme e Shqipërisë prej ditësh ka qenë në kontakte me palën turke, duke i paraqitur kërkesën zyrtare për të përfshirë edhe studenten shqiptare në operacionin e largimit të ndërmarrë për shtetasit turq që jetonin në Wuhan.
Studentja shqiptare, Silvana Doçi ka kryer të gjitha testet dhe ka dalë negative për virusin, mirëpo udhëtimi i gjatë në një avion me shumë persona të tjerë të evakuuar nga Wuhan, e bën të detyrueshëm qëndrimin e saj në karantinë.
