E enjte, 2 Dhjetor, 2021
13.5 C
Tirana

Ndodh pas 20 muajsh, SHBA do rihapë kufijtë për udhëtarët e vaksinuar

SHBA kanë hequr ndalimin e udhëtimit për personat e vaksinuar, vendim i cili është zbatuar prej rreth 20 muajsh, për shkak të pandemisë së koronavirusit. Ndalimi u vendos nga ish-presidenti Donald Trump, për shkak të Covid-19.

Ai ka prekur qytetarët jo-amerikanë nga mbi 30 vende, duke përfshirë Britaninë e Madhe dhe shtetet e BE-së, teksa ka ndarë familjet dhe bllokuar turizmin.

Linjat ajrore presin një vërshim vizitorësh, pasi kufizimet janë hequr për ata që janë plotësisht të vaksinuar, dhe i nënshtrohen testimit dhe gjurmimit të kontakteve.

Jerome Thomann, kreu i agjencisë së udhëtimeve me bazë në Paris, Jetset Voyages, tha për agjencinë e lajmeve “Reuters”, se ekipi i tij kishte parë një “përtëritje të jashtëzakonshme” në rezervime.

Në përpjekje për të ndaluar përhapjen e koronavirusit, kufijtë e SHBA-së fillimisht u mbyllën për udhëtarët nga Kina në fillim të vitit 2020. Kufizimet më pas u shtrinë në vende të tjera.

Rregullat strikte ndaluan hyrjen për shumicën e qytetarëve jo-amerikanë, që kishin qenë në Mbretërinë e Bashkuar dhe një numër vendesh të tjera evropiane, si dhe në Kinë, Indi, Afrikën e Jugut, Iran dhe Brazil.

Sipas rregullave të reja, udhëtarët e huaj do të duhet të tregojnë prova të vaksinimit përpara se të fluturojnë, të marrin një rezultat negativ të testit Covid-19 brenda tre ditëve nga udhëtimi, dhe të dorëzojnë informacionin e tyre të kontaktit.

Ata nuk do të duhet të karantinohen. Alison Henry, një nënë britanike 63-vjeçare, i tha agjencisë së lajmeve “AFP”: “Ka qenë kaq e vështirë – thjesht dua të shoh djalin tim”. Zonja Henry, nga Cheshire, planifikon të fluturojë për në Nju Jork të hënën, për të parë djalin e saj për herë të parë pas 20 muajsh.

Lexo edhe :   12 milionë gjermanë të pa vaksinuar/Spahn: Sistemi shëndetësor do mbingarkohet

Kufijtë tokësorë të SHBA-së me fqinjët Kanadanë dhe Meksikën, gjithashtu do të rihapen për të vaksinuarit plotësisht. Mijëra emigrantë kanë mbërritur në zonat përgjatë kufirit të Meksikës me SHBA-në, duke shpresuar të përfitojnë nga rregullat e reja të relaksuara.

Në Meksikën jugore, një karvan i ri me mijëra emigrantë kryesisht nga Amerika Qendrore – shumë prej tyre fëmijë – ka kaluar nga Chiapas në shtetin Oaxaca, me qëllimin përfundimtar për të arritur kufirin dhe për t’u pranuar në SHBA.

Lexo edhe :   Rama: Do ndaloheni të shkoni në punë, nëse nuk vaksinoheni!

Grupi i Aleancës së Migrantëve, një grup me bazë në Meksikë, ka paralajmëruar se informacioni i rremë po përhapet në lidhje me rregullat e reja në disa komunitete – me shumë azilkërkues që supozojnë se tani do të marrin trajtim më të favorshëm nga zyrtarët kufitarë. United Airlines thotë se pret një rritje prej 50% të pasagjerëve ndërkombëtarë, ndërsa shefi ekzekutiv i Delta, Ed Bastian, paralajmëroi udhëtarët të presin në radhë.

Ed Bastian tha: “Do të jetë pak e ngadaltë në fillim. Mund t’ju siguroj, për fat të keq do të ketë radhë”.

Burimi i lajmit: BBC. Përshtatur nga Tirana Today

- Reklama -

Më shumë nga kategoria




Të fundit

Greqia konfirmon rastin e parë të Omicron. Gjobë kush nuk vaksinohet

Greqia ka raportuar rastin e parë të variantit të koronavirusit Omicron në ishullin e Kretës, njoftoi sot në mëngjes Ministri grek i Shëndetësisë, Thanos...

Akuzat për “Toyota Yaris”, Balla-Bashës: Kallëzoje penalisht Berishën

Në Kuvend janë rikthyer sërish përplasjet e ashpra ndërmjet mazhorancës dhe opozitës, në lidhje me ndryshimet në ligjin për "Pastrimin e parave". Kreu i...

4 mijë euro për gradën “Nënkomisar”, SPAK del me njoftimin e rëndësishëm

Një kryekomisar, me detyrë Lektor në Fakultetin e Hetimit pranë Akademisë së Sigurisë si dhe një Inspektor në Drejtorinë e Qarkullimit Rrugor të Policisë...

Basha: Institucionet shtetërore me kod omerta të mafies, pranoni Vettingun

Kryedemokrati Basha, nga Kuvendi bëri thirrje që të pranohet kërkesa për Vettingun në politikë. Gjatë fjalës së tij në seancën plenare në Kuvend, Basha...

Rama: Do ndaloheni të shkoni në punë, nëse nuk vaksinoheni!

Kryeministri Rama ka paralajmëruar qytetarët e pa vaksinuar, se nëse nuk marrin dozën e parë, do vijë dita që nuk do mund të marrin...