Një mashkull është tërhequr zvarrë nga divani në shtëpinë e tij në Hangzhou, kryeqyteti i provincës Zhejang të Kinës në lindje të vendit, për tu dërguar në një strukturë karantine. Zyrtarët të veshur me kostume të bardha, duket se kanë hyrë në shtëpinë e tij, që ai të dërgohet në një strukturë karantine.
Skenat alarmante vijnë pasi autoritetet kineze njoftuan një lehtësim të mëtejshëm të kufizimeve të Covid-19, pasi parashikimet tregojnë se kufizimet e liruara mund të sjellin më shumë se 2 milionë vdekje dhe 233 milionë infeksione.
Por video tregon se autoritetet në vend janë ende duke zbatuar masa të rrepta dhe brutale, për të parandaluar përhapjen e virusit.
Dy personat e veshur me të bardha i bërtasin burrit: “Vendose maskën!”, teksa e nxisin të mbulojë fytyrën pavarësisht se është në shtëpinë e tij dhe nuk përbën rrezik për askënd.
Burri i dëshpëruar më pas vazhdon të dalë jashtë me autoritetet, duke i shtrënguar kyçet dhe këmbët e tij. Ai gjithashtu ngjitet në divan, duke mos dashur që ta tërhiqnin zvarrë dhe ta çonin në objektin e karantinës qeveritare.
“Mos më shty”, thotë ai, “A je i çmendur?”
Gruaja që filmon sherrin, i lutet autoriteteve “të mos jenë aq të dhunshëm”.
Burimi i lajmit: dailymail. Përshtatur nga Tirana Today
