Ndizen tensionet mes Turqisë dhe Francës. Turqia ka injoruar Macronin, ndërsa kanë thënë se ‘vijat e kuqe’ i vendosin ata. Zëdhënësi i Ministrisë së Jashtme të Turqisë, Hami Aksoy, ka reaguar lidhur me deklaratën e presidentit francez, Emmanuel Macron, se zbatojnë “politikën e vijave të kuqe” kundër Turqisë në Mesdheun Lindor. Në një mbedhje me gazetarët në Paris, lidhur me debatet e sovranitetit në Mesdhe, Macron deklaroi: “Unë mund të them se turqit marrin në konsideratë vetëm këtë (qëndrueshmërinë e fjalëve dhe veprimeve) dhe reskektojnë këtë. Ishte e rëndësishme ajo që Franca bëri këtë verë. Kjo është një politikë e vijës së kuqe”.
Zëdhënësi Aksoy ka dhënë përgjigje me shkrim ndaj një pyetje lidhur me deklaratën e presidentit francez Macron, se në Mesdheun Lindor zbatojnë “politikën e vijave të kuqe”. Ai ka thënë se do të përballen me qëndrimin e vendosur të Turqisë. Po kështu, Turqia, sipas tij, është e aftë të pengojë të gjithë ata që përpiqen të grabisin me forcë të drejtat dhe interesat legjitime të saj.
“Ata që kujtojnë se kanë vendosur vija të kuqe në Mesdheun Lindor kundër kauzës së drejtë të Turqisë, do të përballen me qëndrimin e vendosur të vendit tonë. Nëse në rajon ka një vijë të kuqe, këto janë të drejtat e Turqisë dhe turqve të Qipros që lindin nga e drejta ndërkombëtare”, tha Aksoy në kundërpërgjigje të fjalëve të Macronit.
“Ata që e shohin veten në pasqyrën gjigante, ka ardhur koha të përballen më të vërtetën dhe se ka mbetur pas periudha ku qasjet imperialiste vendosin dhe përcaktojnë vijë të kuqe në harta”.
“Turqia, duke dërguar ‘armatë’ (flotën) është e aftë të pengojë të gjithë ata që përpiqen të grabisin me forcë të drejtat dhe interesat legjitime të saj.
Me këtë rast duam të rikujtojmë se mosmarrëveshjet në Mesdheun Lindor do të arrijnë zgjidhje vetëm me dialog dhe bashkëpunimin e vendeve që ndajnë të njëjtat brigje, dhe jo me nxitjen e aktorëve të jashtëm të rajonit”, tha Aksoy.
