Ndihma ekonomike/Basha: Rama po përdor metoda naziste për spastrimin e shqiptarëve

Kryetari i Partisë Demokratrike, Lulzim Basha tha se kryeministri Edi Rama është duke përdor metoda naziste për spastrimin e shqiptarëve. Në një prononcim për median Basha theksoi se jemi vendi i vetëm ne Evrope që ka çuar drejt emigracionit me vullnetin e Ramës kryeministër mijëra shqiptarë. Kryedemokrati deklaroi se një nga metodat e Ramës për spastrim është heqja nga skema e ndihmës ekonomike.

“Mijëra familje shqiptarë janë hequr nga ndihma ekonomike. Përjashtimi është kriminal. Sot qytetaret nuk kanë ushqimin e përditshëm për veten e tyre. Rama po përdor metoda naziste, spastrimi ndaj shqiptareve. Një prej tyre është heqja nga skema e ndihmës ekonomike. Kam një thirrje ndaj mediave, ne po mundohemi që të vendosim në qendër këtë problem. Ka vetëm një mundësi ose të luftojmë ose të leme vendin dhe qytetarët që shkojnë refugjatë. Jemi vendi i vetëm ne Evrope që ka çuar drejt emigracionit me vullnetin e Ramës kryeministër mijëra shqiptarë. Duhet të pyesni ministren se përse janë hequr ndihmat ekonomike. Nuk do të thotë të kesh të ardhura kur ke një televizor në shtëpi. Duhet të zbardhim këtë gjenocid nazist ndaj shqiptarëve. Ne si opozitë e kemi bërë transparencën ndaj këtij problemi. Kjo dramë po shpaloset kodo në Shqipëri për qejfet sadiste dhe naziste të kësaj qeverie. Unë flas për një shtet të shkatërruar nga krimi. Shqiptarëve si në Shqipëri dhe Kosovë nuk u duhen politikanët që janë zuzarë por një treg i përbashkët më shumë,” deklaroi Basha.