Trajneri i kombëtares shqiptare, Edi Reja ka publikuar formacionin titullar në ndeshjen e sotme kundër Andorrës.
Në formacion duket të ketë ndryshime të rëndësishme. Porta i është besuar Etrit Berishës, ndërsa mbrojtja rreshtohet me 3, pasi Gjimshiti, Veseli dhe Ismajli luajnë nga minuta e parë.
Trashi dhe Rashi janë krahët e mesfushës, ndërsa Memushaj, Ramadani dhe Ndoj do të jenë në mesfushë. Ndërkohë Manaj dhe Balaj do të jenë ata që do të mbajnë sulmin e kombëtares.
Vihet re mungesa e Strakoshës, Hysajt, Bares dhe Gjesulës. Ndeshja mes Shqipërisë dhe Andorrës e cila do të luhet në 20:45 në ‘Elbasan Arena’, është e vlefshme për eliminatoret e ‘Euro2020’.
