Kryeministri i Kosovës, Avdullah Hoti, ka njoftuar ndarjen nga jeta të ish-anëtarit të LDK-së, nga Komuna e Rahovecit, Shaban Dana.
Përmes një postimi në Facebook, Hoti thotë se Shaban Dana ka qenë një ndër themeluesit e Lidhjes Demokratike të Kosovës.
Ndërkohë nuk dihet ende nëse ai ka vdekur nga shkaqe natyrale, apo nëse vuante nga ndonjë sëmundje.
“Sot me pikëllim e morëm lajmin e ikjes në amshim të Shaban Danës, ish anëtar i kryesisë i degës së LDK-së në Rahovec, veprimtar i LDK-së që nga themelimi. Pas luftës ka qenë zyrtar i lartë për arsim dhe për 4 vite ka ushtruar funksionin e Drejtorit të Drejtorisë Komunale për Arsim”, shkruan Hoti.
