Një 43-vjeçare me banim në Durrës, e ka humbur betejën me Covid-19. Gruaja e infektuar kishte disa ditë që ishte shtruar në Spitalin Infektiv, ndërsa ka ndërruar jetë një ditë më parë. E ndjera ka rezultuar pozitive me Covid-19, 10 ditë më parë.
Identiteti i saj nuk dihet ende, dhe as nëse ka pasur sëmundje të tjera bashkëshoqëruese.
Gruaja ishte me profesion farmaciste, dhe punonte në Fushë-Krujë, ndërsa banonte në Durrës.
Pritet që Ministria e Shëndetësisë të japë informacion zyrtar lidhur me rastin në fjalë.
