Kryebashkiaku në ikje i Kamzës, Xhelal Mziu i ka vënë një rruge në Paskuqan emrin e ish-përfaqësueses së PD-së në këtë bashki, “Erisa Fatmir Poleshi”, e cila pak ditë më parë ndërroi jetë në mënyrë të papritur.
Përmes një postimi në Facebook, Mziu vlerësoi personalitetin dhe kontributin që Erisa dha gjatë vendimmarrjes komunitare. Në ceremoni ishin të pranishëm të afërm të familjes, miq, dashamirës si dhe autoritete të tjera të Bashkisë.
Postimi i plotë:
z.Xhelal Mziu: Vendos emrin e rrugës “Erisa Fatmir Poleshi”, në Paskuqan
Kryetari I Bashkisë Kamëz, z.Xhelal Mziu ka vendosur emrin një rruge të investuar në Njësinë Administrative Paskuqan “Erisa Fatmir Poleshi”, në nderim të Këshilltares, e cila u nda nga jeta pak kohë më pare.
Kryebashkiaku Mziu, në fjalën e Tij të mbajtur në këtë ceremoni të veçantë, vlerësoi personalitetin dhe kontributin e jashtëzakonshëm që Erisa dha gjatë vendimarjes komunitare, duke mos hezituar në asnjë rast për të aprovuar zbatimin e projekteve madhore në zhvillimin dhe ndryshimin rrënjësor të Bashkisë Kamëz.
Në këtë ceremoni ishin të pranishëm të afërm të familjes, miq, dashamirës si dhe autoritete të tjera të Bashkisë.
Të gjithë të pranishmët vlerësuan jashtë mase këtë dekorim që ju bë Erisës nga z.Xhelal Mziu, kryetar I Bashkisë Kamëz, për vendosjen e emrit një rruge të investuar në Njësinë Administrative Paskuqan, në nder të personalitetit të saj.
