Koronavirusi ka marrë një shtrirje të madhe në tërë territorin shqiptar. Numrat e të infektuarve gjatë tre ditëve të fundit, kanë shtuar frikën për një izolim. Raportohet se një nga anëtarët e Komisionit të Pavarur të Kualifikimit, ka rezultuar me koronavirus.
Ende nuk ka informacione se kush është anëtari i prekur, dhe si është gjendja e tij shëndetësore.
Pas këtij rasti, tamponit iu janë nënshtruar dhe 11 komisionerë të tjerë të këtij institucioni, për të parë nëse do jenë infektuar apo jo.
Teksa janë në pritje të përgjigjes, mësohet se puna për Vettingun është pezulluar, deri në një njoftim të dytë.
