Kryeministri Edi Rama ka treguar me anë të një postimi në Twitter se është shkëputur nga fushata, për të qenë i pranishëm në Forumin e Financial Times – Investimet në Ballkanin Perëndimor. Ai edhe një herë tjetër ka nënvizuar faktin se zgjedhjet në 30 qershor do të mbahen, përkundër qendrimit nga ana e opozitës së bashkuar.
“Shkëputje e pashmangshme nga fushata për të marrë pjesë në Forumin e prestigjozes Financial Times – Investimet në Ballkanin Perëndimor.
Pasnesër gati për fazën finale drejt 30 qershorit, ditës kur populli do t’u japë një mësim të paharrueshëm kundërvënësve të tij pa din e iman”, shkruan ai në Twitter.
