Kryesore

“E ka kopsit, foli me superlativa për ty”, ja kush përfshihet në përgjimin e dytë të Bild


               Publikuar në : 15:39 - 17/06/19 S.N

Gazeta gjermane Bild ka publikuar sot dy video-përgjime, në njërin prej të cilave ishte vetë kryeministri Edi Rama.

Në përgjimin tjetër, zbulohet biseda e ish-deputetit socialist, Artan Gaçi, i cili është bashkëshort i ministres Xhaçka dhe drejtorit në Ministrinë e Brendshme, Arben Keshi.

Gjatë bisedës, Gaçi vlerëson drejtorin e ministrisë së Brendshme, ndërkohë që i thotë se shefi i madh ka folur me superlativa për punën e tij.

Sipas Gaçit, kryeministri i ka thënë se e ka “kopsitur” zonën e Maqellarës.

Përgjimi numër 2:

Artan Gaçi: Mirëmëngjesi

Arben Keshi: Mirëmëngjesi, ç’a bëre

Artan Gaçi: Ja me shefin e madh edhe me superlativa për ty

Arben Keshi: Faleminderit

Artan Gaçi: Nga ai, nga ai. Unë po e po, por nga ai. Më tregoi edhe historinë e 2011. Ke pikët maksimale.

Arben Keshi: Ishalla kthehen në realitet, se ngela… u bë 3 vjet.

Artan Gaçi: Jo, jo, kthehen, kthehen. Ke vlerësim të jashtëzakonshëm. Të gjithë Maqellarën ta linte ty. Ai është personi, tha. E ka kopsit, e ka bo, tha, të gjitha gjonat. Edhe në 2011-n fitoi, tha, por ashtu ndodhi me një kuti.

Arben Keshi: Ashtu ka qenë shkruar.

Artan Gaçi: Merita e Benit, tha. Kur të vish në Tiranë lidhemi ndonjëherë.

KLIKONI KETU PER TE DEGJUAR VIDEO-PERGJIMET.

Kthehu
WhatsApp Denonco ne TT