Dialogu Kosovë-Serbi është kthyer në rrugën e duhur. Ky është konfirmimi i dhënë nga përfaqësuesi i BE-së për këtë proces, Miroslav Lajçak. Qëndrimi i tij vjen pas video-konferencës së sotme ku kanë marrë pjesë kryeministri i Kosovës, Avdullah Hoti dhe presidenti i Serbisë, Aleksandër Vuçiç.
“Sapo konkluduam në takimin virutal me presidentin Vuçiç dhe kryeministrin Hoti dhe jam i lumtur se pas Samitit të Parisit dhe takimit të sotëm dhe dialogu i ndërmjetësuar nga Bashkimi Evropian për arritjen e marrëveshjes dhe normalizimit të marrëdhënieve në mes të Kosovës dhe Serbisë, pas 20 muajsh është rikthyer në binarë”, është shprehur Lajçak.
“Si rezultat i takimit të sotëm jemi pajtuar në elementet kyçe të procesit dhe agjendës për takimin e Brukselit që mbahet të enjten. Dua të falënderoj partneret tanë për angazhimin konstruktiv të treguar sot”.
