Klasa politike, ditën që lamë pas pati një përballje të fortë nga ndërkombëtarët. Qëndrimet e tyre kanë qenë të ashpra ndaj opozitës, pas marrjes së vendimit për djegien e mandateve.
Po kështu, ata i mëshuan faktit se s’ka asnjë arsye për qeveri tranzitore, dhe se ky Parlament është i ligjshëm e mund të vazhdojë punën. Komentet e tyre kanë marrë vemendjen e ish-ministrit të Drejtësisë, Ylli Manjani, i cili ka përcjellë edhe ai një koment në rrjetin social Facebook.
Ish-ministri i Drejtësisë, Ylli Manjani, vë në dukje se shqiptarët nuk janë vetëm, pasi i gjithë Ballkani proteston, duke përmendur serbët, malazezët, bullgarët, rumunët. Të gjithë këta popuj protestojnë kundër arrogancës, propagandës populiste e korrupsionit.
