Kreu i qeverisë Edi Rama, duke folur përmes shifrave shkruan se 10 bizneset më të mëdha në vend kanë paguar taksa 3 herë më shumë gjatë qeverisjes së tij.
Nga viti 2006-2013, këto biznese kanë paguar 13 miliardë lekë taksa, ndërsa nga viti 2014-2019 kanë paguar 39 miliardë.
Rama shkruan se “oligarkët” kanë paguar 3 herë më shumë taksa në 5 vite, se sa në të gjitha vitet e qeverisjes së atyre që shpifin, duke iu referuar deklaratës së Lulzim Bashës.
Shpesh kryedemokrati Basha akuzon qeverinë Rama për neglizhencën ndaj bizneseve, ku punosohen mijëra shqiptarë, teksa sipas tij, vazhdon i jep miliona euro miqve të tij oligarkë.
Statusi
“MIRËMËNGJES
dhe me këtë të dhënë krahasuese, e cila tregon fare qartë se “oligarkët” kanë paguar 3 herë më shumë taksa në 5 vjet, se sa në të gjitha vitet e qeverisjes së atyre që shpifin e shpifin që diçka të mbetet, ju uroj një ditë të mbarë
*** termi “oligark” në Shqipëri s’ka asnjë lidhje, sepse në Shqipëri nuk ka asnjë lloj oligarkie dhe këmbë oligarku, kështu që kush e përdor ose manipulon publikon ose thjesht e përdor siç përdorej dikur fjala “kulak”, por pa lidhje.
