Kreu i Grupit Parlamentar të Partisë Socialiste, Taulant Balla, ka shprehur ngushëllimet e tij në emër të socialistëve për ndarjen nga jeta të ish-Presidentit Bujar Nishani. Balla tha për mediat se Nishani në shumë raste ka treguar respekt për institucionin që ai përfaqësoi, e ndërsa vlerësimi do mbetet maksimal.
“Do ruajmë gjithmonë respektin për Bujar Nishanin. Një personalitet i respektuar që erdhi nga fusha ushtarake, por që diti të tregoj respektin ndaj Kushtetutës.
Gjatë detyrës së tij, pati momente ku tregoi vlerësim maksimal ndaj respektit ndaj institucioneve. Ngushëllim më të sinqerta për familjen Nishani.
Nuk qe e shkruar që të kalonte këtë betejë të rëndësishme për jetën. Vlerësimi ynë do mbetet maksimal”, tha Balla.
