Zëvendëskryetari i LSI-së, Luan Rama, ka dalë në një deklaratë për mediat, ku i bën thirrje maxhorancës që të lëshojnë drejtësinë dhe Gjykatën Kushtetuese. Me tone të larta, ai tha se ajo që po ndodh në Gjykatën Kushtetuese dhe përpjekja për ta zaptuar, zbulon vullnetin e qeverisë për të kapur Reformën në Drejtësi. Për të, ky është momenti për të ndaluar ndërhyrjen e ‘duarve të pista’ të politikës, në sistemin e drejtësisë.
“Ajo që po ndodh në Gjykatën Kushtetuese, dhe përpjekja për ta zaptuar, zbulon qasjen e qeverisë për të kapur Reformën në Drejtësi, është momenti për t’i thënë ndal duarve të politikës dhe ndal ndaj Reformës në Drejtësi.
Ndal duarve të pista të politikës në sistemin e drejtësisë. Duan të kapin jo vetëm reformën, por edhe të komprometojnë qytetarët. Lufta e shpallur nga ana e maxhorancës dhe qeverisë, për të kapur Gjykatën Kushtetuese, është luftë kundër Kushtetutës”, tha Luan Rama.
