Shkrimtarja e njohur e librave për fëmijë dhe skenaristja Shpresa Vreto, ka ndërruar jetë pasditen e sotme në moshën 76-vjeçare.
Vreto ka bërë disa skenarë për filmat artistikë si dhe për filmat e animuar. Në vitin 1978 ka shkruar skenarin e filmit vizatimor “Mirela”, kurse në vitin 1981 së bashku me Xhanfize Kekon kanë realizuar skenarin e filmit “Kur xhirohej një film”.
Pas pesë vjetësh erdhi e vetme si autore në realizimin e filmit “Fillim i vështirë”. Ndërkohë, Me Petrit Rukën ka bashkëpunuar në filmin “Një djalë dhe një vajzë” në vitin 1990.
Disa nga librat që ka shkruar Vreto janë: “Shokë Shkolle”, “Vit i paharruar” etj. Pas viteve 1990 ka ideuar “Sirena e vogël” dhe “Bota ime”.
Shpresa Vreto ka drejtuar gjithashtu një bibliotekë për fëmijë, për 12 vjet rresht.
