Është ndarë nga jeta në moshën 61-vjeçare legjenda e WWE, King Kong Bundy. Lajmet për vdekjen e mundësit u konfirmuan në një postim në ‘Facebook’ nga shoku i tij David Herro.
“Sot kemi humbur një legjendë dhe një njeri që e konsideroja familje. U prefsh në paqe Chris. Të duam,”– shkroi ai.
Ende nuk dihen shkaqet e vdekjes së sportistit të famshëm.
Në një deklaratë në website, WWE tha se: “Jemi të pikëlluar nga vdekja e legjendës së WWE King Kong Bundy.”
Christopher bëri debutimin e parë në WWE në vitin 1981. Ndërsa fitoi famë ndërkombëtare kur u përball me rivalin Hulk Hogan në mesin e viteve 1980.
Hogan shprehu ngushëllimet për vdekjen e ish rivalit të tij, duke thënë se ishte i tronditur nga lajmi i hidhur.
