Kompozitori dhe dirigjenti italian, Ennio Morricone, është ndarë nga jeta në moshën 91-vjeçare.
Mësohet se kompozitori i njohur ka ndërruar jetë në një klinikë në Romë, për shkak të pasojave pas një rënie aksidentale.
Fama e tij shpërtheu falë partneritetit artistik me Sergio Leone, dhe vazhdoi me bashkëpunime të mëdha: nga Bertolucci te Carpenter.
Muzikanti dhe kompozitori, ishte autor i tingujve më të bukur të kinemasë italiane dhe botërore, në filma si “Per un pugno di dollari”, “C’era una volta in America”, “Nuovo cinema Paradiso” apo dhe “Malena”.
Gjithashtu, Morricone është nderuar me dy çmime Oscar, një në 2007 dhe një në 2016.
