Astronautët e NASA-s paguhen shumë mirë, bazuar në përvojën e punës. Ky profesion është i vështirë për t’u arritur dhe shumë njerëz e aspirojnë.
Amerika po përgatitet për një epokë të re të hapësirës njerëzore dhe planet kalojnë përtej hënës ndoshta edhe në Mars. Nga 18.300 aplikime për tu bërë pjesë e astronautëve që do trajnoheshin nga NASA u përzgjodhën vetëm 12.
Donald Pettit, astronauti më i vjetër i NASA, 62 vjeç dhe Greg Johnson, një ish-astronaut i cili tani është president i Qendrës për Avancimin e Shkencës në Hapësirë kanë folur për CNNMoney për punën e një astronauti.
Si mund të kualifikoheni?
Sipas kritereve të NASA, aplikantët e kualifikuar duhet të kenë një diplomë bachelor në një fushë të shkencës, teknologjisë, inxhinierisë ose matematikës. Kërkohet studimi pasuniversitar ose përvoja e punës. Agjencia hapësinore ka trajnuar astronautë të të gjitha drejtimeve, mjek, oqeanograf, madje edhe një veteriner.
Kriteret fizike janë të vështira për tu plotësuar. Aplikantët duhet të kenë shikim të mirë, duhet të kenë presion të mirë të gjakut të mos tejkalojnë 140/90 në pozitë të ulur.
Kandidatët gjithashtu duhet të kalojnë një test të vështirë durimi dhe të impresionojnë ekipin e NASA-s gjatë një sërë intervistash.
Kur shkojnë astronautët në hapësirë?
Edhe pasi astronautët përfundojnë programin, ata duhet të vazhdojnë stërvitjen specifike bazuar në atë që do të bëjnë në hapësirë. Kjo fillon shumë kohë para se të arrijnë në bllokun e nisjes.
Për shembull, nëse një astronaut delegohet për të realizuar një vizitë gjashtë mujore në stacionin hapësinor, ai kërkon 2-3 vjet trajnim shtesë.
“Për çdo astronaut në hapësirë, ka 1 mijë njerëz në tokë duke punuar për realizimin e misionit”, tha Pettit.
Çfarë bëjnë astronautët në hapësirë?
Shumicën e kohës kryejnë eksperimente, kërkime ose riparime të pajisjeve.
Johnson ka realizuar misione afatshkurtra në hapësirë, dhe ekipi i tij i fluturimit punonte vazhdimisht. Kohën e tij të lirë Johnson tha se ai dhe shokët e tij të ekuipazhit e kalonin duke kapur foto, video dhe duke bërë telefonata në shtëpi me familjet e tyre.
Johnson kujton një video-bisedë me gruan dhe fëmijët e tij, gjatë së cilës ai u tregonte pamjen e Tokës nga dritarja e anijes kozmike. Ai u dërgoi një foto ajrore të Miçiganit në Madagaskar.
Pettit ka bërë shumë misione afatgjata. Ai ka jetuar në bordin e Stacionit Ndërkombëtar të Hapësirës për më shumë se gjashtë muaj. Megjithatë, ai gjithnjë ka pushuar vetëm një ditë në javë.
“E kaloj kohën duke përfituar nga ajo që ofron mjedisi hapësinor: pamje madhështore, aftësi për të bërë fotografi të mahnitshme dhe studime shkencore”.
Përshtati për Tirana Today, Refxhei Tola
