Plani për zgjerimin e rrugës së Shkozës është kundërshtuar prej disa ditësh nga banorët e vendas të cilët po zhvillojnë protesta ku ka pasur dhe incidente me policinë. Në kuadër të një projekti të ARRSH-së dhe Ministrisë së Transporteve. Por si për ironi protestës së tyre i janë bashkuar dhe dy forcat politike në opozitë Partia Demokratike dhe Lëvizja Socialiste për Integrim.
Hipokrizia e këtyre dy forcave politike arrin deri aty sa protestojnë kundër këtej projekti që e kanë firmosur vetë drejtorët e emëruar nga PD dhe LSI. Në 3 qershor të vitit 2013 drejtori i emëruar në atë kohë nga PD në krye të ARRSH, Andi Toma ka bërë kontratën e rrugës. Ndërkohë më 4 nëntor të vitit 2016 drejtori i emëruar nga LSI në krye të ARRSH, Dashamir Xhika e ka amenduar/shtuar kontratën e cila po zbatohet sot. Pra hipokrizia e PD/LSI për ta përdorur këtë për qëllimet e tyre politike sot që janë në opozitë vërtetohet më së mirë me anë të dy dokumenteve që ju do të shikoni më poshtë.
