Marrëveshja dhe shtrëngimi i duarve mes Ramës dhe Bashës ka gëzuar shumë njerëz, të cilët besojnë se më në fund vendi do të dalë nga kriza.
Një ndër ta është aleati i opozitës, Nard Ndoka, i cili e ka ndarë lumturinë me miqtë e tij në Facebook.
Megjithatë, reagimi i tij është i paparë.
“Pritëm tym të bardhë, por doli djalë”, shkruan Ndoka në Facebook pasi duket se marrëveshja Rama-Basha për paketën “McAllister +” ka kaluar çdo pritshmëri.
Edhe kreu i PAA-së, Agron Duka është shprehur se ndihet i lumtur për arritjen e marrëveshjes, ndërsa shton se shpreson që kriza të tilla të mos përsëriten më:
“Në këtë orë të vonë ndjehem vërtet i lumtur që më në fund përpjekja ime dhe e zotit Mediu si dhe vullneti i të gjithë homologëve tanë më në fund rezultuan me sukses. Shpresoj që kriza të tilla të mos përsëriten më dhe uroj që këto zgjedhje të jenë vërtetë ashtu siç i kemi dëshiruar prej dekadash, të lira dhe të ndershme”.
