Nga politika në moderim. Është ky kapërcim i paimagjinueshëm i Nard Ndokës, ku përveçse mori famë me batutat e tij pikante që shumë shpejt u kthyen në meme, tashmë do jetë edhe moderator.
Ju duket e pabesueshme? Vetë Nard Ndoka e ka pohuar se ai do të vijë si moderator me emisionin e tij që do të mbajë emrin “Hola Nardi”, dhe se do të ketë të ftuar jo vetëm nga Shqipëria, por nga e gjithë bota.
Në një intervistë për “Wake-Up”, ai tregoi se emisioni që do të moderojë nuk do të jetë politik, por do merret me politikën përmes sarkazmës dhe humorit.
“Është një format në zhvillim e sipër, do të ketë të ftuar personazhe jo vetëm shqiptar. Kjo dhe arsyeja pse emisioni ka një emër të tillë, do të ketë të ftuar nga gjithë bota.
Nuk është emision politik, por do merret me politikën përmes sarkazmës dhe humorit. Do kemi dhe Ramën të ftuar, që t’i tregojmë se shoq do bëhet këtu jo në Kongres. Ai do vijë patjetër, por nuk do të jetë ai i pari i ftuar, nuk do ta ketë shansin. Silvio Berlusconin gjithashtu, besoj se do të marrë dhe bashkëshorten e re”, u shpreh ai.
