Pak muaj më parë, ish-deputeti Namik Dokle rrëfeu shqetësimin e tij si prind për vajzën e tij mjeke, Manjolën, e cila ishte në krye të detyrës në Itali, në vijën e parë kundër COVID-19.
E ndërsa sot ai ndjehet edhe më i çliruar, pasi duket se beteja me koronavirusin është fituar.
Pas një lufte 3 mujore me COVID-19 spitali ERBOSA i Bolonjës është kthyer në normalitet, dhe nuk ka më asnjë të sëmurë me koronavirus.
Statusi
KRENARE PER TY, LOLA!
Pas tre muajsh lufte per jete a vdekje me covid19, spitali ERBOSA i Bolonjes, ku punon si mjeke anesteziste-reanimatore edhe ime bije, Manjola, u kthye ne normalitet. Tash nuk ka me asnje te semure me covid. Po sa perpjekje e perkushtim ofruan mjeket, infermieret dhe gjithe personeli? Ja si e pershkruan Manjola:
“ Mbaroi… dhe mund te marrim fryme te lehtesuar… mbaroi nje periudhe e mbushur me pune, sfida, frikera, caste trishtimi, stermundimi fizik dhe mendor, ore te pafundme turnesh, duke luftuar kunder nje semundjeje krejtesisht te panjohur per ne. Ishte gjithashtu nje pervoje e madhe qe na pasuroi ne njohjen e semundjes, e cila ashpersisht nderpreu rrjedhen normale te jetes, ne njohjen e frikerave tona, te kufizimeve e thyeshmerise shpirterore… Ishte krenari te shikoje qe jemi nje grup i forte, i mbushur me deshiren per te vepruar dhe per t’u qendruar prane te semureve aq delikate, te cilet vuanin ne vetmi. Krenare per koleget e mi!” Edhe ne te gjithe, krenare per ty, Lola!”.
