Grevistet naftëtarë nuk kanë vonuar përgjigjen për kryeministrin Edi Rama, pas ftesës së këtij të fundit për bisedime.
Ata nuk e pranuan thirrjen e tij, teksa qartësojnë se nuk do ta ndërpresin grevën, por ai duhet t’i vizitojë për të parë gjendjen e tyre.
“Të vijë kryeministri të na shikojë gjendjen, të na japë një zgjidhje dhe pastaj shohim e bëjmë e ndërpresim ose jo. Nuk jemi dakord fare, nuk e ndërpresim grevën. Të vijë dhe të ulet këmbëkryq të na shikojë si jemi dhe në ç’gjendje jemi. Këtu do qëndrojmë jemi shumë të vendosura. Janë bërë të pabesueshëm. Nuk e ndërpresim grevën pa ardhur kryeministri në Ballsh, dhe pa marrë rrogat e prapambetura”, thanë ata.
Kryeministri Rama u kërkoi naftëtarëve që të ndërpresin grevën dhe të ulen e të bisedojnë, por pa presione dhe ultimatime nga ana e tyre.
Janë rreth 900 naftëtarë të cilët prej dy vitesh kërkojnë marrjen e pagave të prapambetura dhe kërkojnë rinisjen e punës në uzinë.
