Top Story i kushtoj rëndësi zarfit të dorëzuar nga Eron Koka. Pjesa e jashtme e zarfit ku ndodhej letra, aty duket emri i dërguesit dhe marrësit të letrës, konkretisht Ministrja e Financave, Anila Denaj.
Emri i dërguesit është Endrit Habilaj, me adresë “Rruga 17 Nëntori”, Nr. 20 Mëzez. Kjo adresë përkon me studiot e Top Channel në Kashar, ndërkohë zoti Habilaj është autor i emisionit Top Story, në Top Channel.
Top Story siguroi pamjet nga kamera e sigurisë në orën 12:53 minuta, kur dorëzohet edhe letra me emrin e Endrit Habilajt si dërgues. Aty, në fakt shfaqet Eron Koka, shoferi i Nadir Çaushollit.
Pra, këtu policia ka vërtetuar se është keqpërdorur emri i autorit të Top Story nga shoferi i Nadir Çaushollit. E në fakt, gazetari Habilaj nuk ka asnjë lidhje me këtë letër.
“Jemi në kushtet e disa veprave penale me dërgimin e zarfit me një emër të rremë. Është verifikuar nga policia, por po verifikohet edhe nga prokuroria që po bën veprimet e saj, Prokuroria Tiranë, që personi që ka depozituar zarfin dhe dërguesi nuk është dhe nuk mund të ketë qenë i punësuar në kompaninë e Çaushollit, se Endrit Habilaj nuk është i punësuar në këtë kompani dhe për më tepër rezulton i nëshkruar me emër të rremë”, tha Lulzim Alushaj, avokat i Top Story.
“Nga ana jonë është bërë e mundur që falë cilësisë shumë të mirë të sistemit të monitorimit që ne kemi, të evidentohet në mënyrë të saktë momenti i duhur dhe pamjet janë në administrim të autoriteteve kompetente”, tha Laert Duraj, drejtor i postës.
Dërgimi i letrës me emrin e Endrit Habilajt konfirmohet edhe nga vetë shoferi Eron Koka, gjatë shoqërimit të tij në Komisariatin nr 3.
Siç duket në procesverbalin e marrjes në pyetje në polici, shoferi i Çaushollit deklaron se gazetarin Habilaj as e njeh dhe as e ka takuar ndonjëherë.
Koka sqaron më tej se letrën e ka marrë në recepsionin e kompanisë “CFO Pharma” dhe zakonisht letra të tilla janë porosi e shefit të tij, Nadir Çausholli.
“Është tashmë e certifikuar nga komisariati 3, OPGj që kjo letër është dërguar nga ambjentet e një shoqërie tregatre që është bërë objekt i hetimit të barnave, kjo është e çertifikuar”.
Pra, këtu gjithçka është e qartë tashmë përmes pamjeve filmike dhe materialeve hetimore të administruara në dosjen e Komisariatit nr. 3./ Top Channel
