Shpesh futbollistët kanë hasur probleme të mëdha me fyerjet raciste. Patris Evra ishte një nga viktimat e racizmit, por ai nuk është i vetmi.
Ish-mbrojtësi i Mançester Junajtid, Patris Evra, ka shokuar në lidhje me deklaratën e tij për atë çfarë ndodhi tek kombëtarja e Francës në vitin 2010. Sipas Evras, tek Franca ka pasur shumë racizëm. Ai kujton kohën kur kanë marrë letra me mesazhe raciste, por këto fakte i kanë fshehur.
“Jam i detyruar t’i përgjigjem Noel Le Gret (Presidenti i Federatës Franceze të futbollit) pasi ai e di shumë mirë se çfarë ndodhte tek ne.
E di ju se sa letra me mesazhe raciste kemi marrë? Një herë ai i pati thënë trajnerit Deshamps në atë kohë që merri këta majmunët dhe shko në Afrikë.
Po ne i kemi fshehur këto fakte, por unë kam parë disa. Madje shpesh na vinin dhe kuti të mbushura plot me jashtëqitje”, tregon 39-vjeçari. “E njëjta që ndodhte edhe kur hanim dreka apo darka me ekipin.
Ne të gjithë kishim vendet tona, por sa herë që vinte presidenti unë përfundoja në fund të tavolinës së bashku me Sanjan dhe Sakhon. Ai preferonte më mirë të ulej pranë dhe të dilte në foto me Hugo Lorisin dhe Lorent Konshienlin se sa me ne”, tha Evra.
