Dëshmi tronditëse kanë ardhur lidhur me ngjarjen makabre që ka ndodhur sot në kryeqytet. “ABC News” ka përcjellë dëshminë tronditëse të vëllezërve të 56-vjeçares Zhaneta Josifi e cila u gjet e pajetë bashkë me vajzën e saj, e cila dyshohet të ketë ndërruar jetë disa javë më parë.
Ata kanë thënë se përgjatë këtyre kohëve, kanë shkuar disa herë te shtëpia e motrës së tyre, por nuk e kanë takuar mbesën e tyre. Motra e tyre e ndjerë është justifikuar duke thënë se ajo ndodhet në dhomën tjetër ose është duke fjetur.
Dyshohet se vajza Anisa Josifi, 30 vjeçe, mund të ketë ndërruar jetë disa javë më parë, pasi trupi i saj është dekompozuar.
Ndërsa e motra e saj është dërguar në spital në gjendje të rëndë për jetën. Dyshohet se ato të treja ishin pjesë e Dëshmitarëve të Jehovait.
Sakaq, fqinja e nënës dhe vajzës që u vetëflijuan në banesë, në zonën e Kombinatit ka treguar për mediat se ato kishin disa ditë që nga koha e pandemisë që qëndronin të mbyllura në banesë.
“Në kohën e pandemisë ato u mbyllën brenda. Ajo e ëma punonte. Ajo pastronte shtëpi. Vajzat kanë punuar por u shkurtuan nga pandemia. Si familje kanë qenë të shkëlqyera. Kishin ca kohë që jetonin këtu. Ajo e ëma dilte bënte pazar. Bashkëshorti i kishte vdekur.
Nuk e disa nga se. Kur ka ardhur te ne ka qenë pa të shoqin. Që në pandemi ishin mbyllur. E ëma dilte. Kisha ca kohë pa i parë. Kishte vetëm dy vajza.
Nuk e mbaj mend kur i kam parë për herë të fundit. Jetojmë në një pallat po secili shikon hallin e vet. Të gjithë janë me probleme. Ka një motër në pallatin tjetër, vinin shpesh i shikonin”, u shpreh ajo.
