Ish-kryeparlamentari Jakup Krasniqi ka hedhur poshtë çdo akuzë të paraqitur në tribunalin e Hagës. Ai kritikoi ashpër cilësimin nga ana e ‘Speciales’ për anëtarët e Shtabit të Përgjithshëm të UÇK-së, si “ndërmarrje e përbashkët kriminale”.
Akt-akuza e ngarkon Krasniqin me akuza për krime lufte dhe krime kundër njerëzimit sipas të drejtës ndërkombëtare, për forma të ndryshme të përgjegjësisë penale, kanë njoftuar Dhomat e Specializuara.
“Do të them dy-tre çështje, do të përpiqem të jem goxha shkurt. Jam arrestuar me 4 nëntor 2020, në akt-akuzë po na quani ndërmarrje kriminale të përbashët, unë dua të deklaroj se kurrë në jetën time në asnjë rast të vetëm, nuk i kam trajtuar aq kaq sa se si më trajtuan mua, nga ndërtesat e burgut dhe deri në këtë ndërtesën e gjykatës.
Lufta kundër okupatorit që ka bërë krime në Kosovë. E ndjej veten më shum se mirë e kurrë nuk do të dëshiroja që të jem në pektun e njerëzve e kanë petkun e kriminelit, unë jam intelektual. Kurrë në jetën time nuk e kam drejtuar gishtin te serbët e ndaj popullsisë civile.
Në akt-akuzë i ndani në shqiptarë katolikë e myslimanë, unë jam shqiptar e kjo është një fyerje. Ky cilësim si ndërmarrje kriminale, nuk ka diçka më fyese sepse ne një kohë të gjatë, në rrethana të vështira jetë a vdekje u vumë në mbështetje të lirisë. E ia arritëm me SHBA, vende të BE, NATO e OKB dhe të gjithë së bashku jemi ndërmarrje të përbashkët çlirimtare e shtetformuese, e ndërmarrje e përbashkët kriminale jo vetëm serbët në Serbi, ishte vetëm koka mbështetëse në Beograd dhe mbështetësit e Beogradit.
Besoj se këtë e di shumë gjithsecili qytetar i arsimuar, mbi 30 vjeç, e që jeton në vendet e demokracive Perëndimore, aty ku jam rritur e edukuar”.
