Incidenti i ndodhur para fillimit të ndeshjes Francë-Shqipëri, e vlefshme për kualifikueset e EURO 2020 ishte një skandal i vërtetë.
Gjatë kohës kur pritej të niste himni kuqezi, në sfond nisi himni i Andorrës. Por ky gjest i shëmtuar nuk kaloi me kaq, pasi u pasua nga një gafë e dytë. Shqipërisë nuk iu kërkua falje në fillim, por spikeri tha “I kërkojmë falje Armenisë”, duke thelluar edhe më tek skandalin. Por kjo situatë nuk do të kalojë pa u ndëshkuar.
Sipas gazetës franceze “L’Equipe”, incidenti në fjalë nuk është pritur aspak mirë nga UEFA, dhe pikërisht për këtë është hapur një procedim disiplinor.
Pritet që Franca të gjobitet me 100 mijë euro nga UEFA, dhe nuk është çudi që të ketë edhe një pezullim të fushës.
Vendimi përfundimtar do të bëhet publik në datën 17 tetor.
