Iu deshën vetëm 60 sekonda që të vidhnin mjetin, e të zhdukeshin në drejtim të paditur. Dy hajdutët profesionistë janë filmuar nga kamerat në vendin ku ishte parkuar një Mercedes i ri. Ata mbajnë në kokë një maskë, duke e bërë të vështirë identifikimin e tyre.
Hajdutët morën makinën e cila kushton plot 47.000 paund, brenda një kohe rekord.
Makina i përkiste Jiwanjot Singh Ahluwalia nga Londra, i cili ka publikuar pamjet e regjistruara nga kamerat, me shpresën se mund të ndihmojnë për kapjen e bandës përgjegjëse.
Biznesmeni 67-vjeçar ka thënë se është i tronditur. “Jam i tronditur se sa e lehtë ishte ta merrnin makinën, dhe shpresoj se dikush do ta shohë makinën ose do t’i njohë dy burrat dhe do t’i tregojë policisë”.
