Ministri i Brendshëm, Sandër Lleshaj, ka reaguar në profilin e tij në Facebook, lidhur me atë që ndodhi dje gjatë takimeve me studentët në Durrës. Ai pati një përballje mjaft të fortë me disa studentë, qe e akuzuan atë se i ka helmuar me gaz dhe se nuk ka të drejtë të shkojë askund, pasi përfaqëson një qeveri ilegjitime.
“Haxhi Mileti, që ndryshe njihet dhe si Sjellësi i Fatkeqësisë, qenka mërzitur nga takimet e mija me studentët në Durrës. Tre fatkeqe nga prodhimi i tij, në rrugë dhe jo studentë, janë një dëshmi e mjerë se si mund të tjetërsohet një i ri kur bëhet ithtar i H. Miletit. Dje kisha një ditë shumë të bukur në Durrës”, përfundon ai.
