Mykonos, ishulli grek ku paraja dhe shampanja derdhen lumë, është futur në karantinë për shkak të rritjes së të infektuarve. Duke nisur nga sot deri më 26 korrik, do të ndalohet lëvizja pas orës 01:00 deri në orën 06:00 të mëngjesit. Në ishullin e famshëm të “vip-ave” do të jetë e ndaluar muzika në lokale gjatë 24 orëve.
Njoftimi i Mbrojtjes Civile:
Ndalimi i qarkullimit nga 01:00 në mbrëmje deri në 06:00 në mëngjes, me përjashtim të arsyeve të punës dhe arsyeve të rënda shëndetësore. Ndalimi i muzikës përgjatë njëzet e katër orëve, duke filluar nga sot në 18:00.
Masat janë të vlefshme deri të hënën 26/7 në 06:00 në mëngjes me një rivlerësim të ndërmjetëm të situatës epidemiologjike.
Ne u bëjmë thirrje banorëve dhe vizitorëve të ishullit të zbatojnë masat, si dhe autoritetet e ishullit që të aktivizojnë menjëherë informacionin dhe mekanizmat e kontrollit për respektimin e tyre, në mënyrë që përhapja e virusit dhe Mykonos të mund të bëhet e kontrolluar dhe së shpejti situata të kthehet në normalitet.
