Policia bën me dije se ka gjobitur dy administratorë lokalesh në jug të vendit, pasi janë kapur duke ushtruar aktivitet me muzikë pas orës 20:00.
Subjekti në Vlorë me administrator shtetasin A. A. është gjobitur me masë administrative 1 milionë lekë. Ndërsa, subjekti në Sarandë me administrator F. M. është gjobitur me masë administrative 3 milionë lekë, pasi është shkelës përsëritës.
“Policia e Vlorës apelon për të gjithë administratorët e subjekteve që ushtrojnë aktivitet, të respektojnë me rigorozitet protokollet e sigurisë dhe masat kufizuese, me qëllim parandalimin e përhapjes së COVID-19”, thuhet në njoftim.
