Profesori Genc Sulçebe ka treguar detaje në lidhje me mutacionin e ri të Covid-19 që ka vënë në lëvizje Europën.
I ftuar në “Opinion”, Sulçebe tha se po zhvillohen ende studime në lidhje me këtë lloj virusi të ri dhe se ende nuk dihet se çfarë rrezikshmërie përbën ai ndryshe nga version fillestar.
Për ndikimin e tij në vaksinë, Sulçebe thotë se është shumë shpejt për ta thënë këtë gjë.
“Është dy herë më i ngjitshëm se tjetri. Ky është thjesht një prej mutacioneve që ka pësuar Covid-19. Gjithsesi, po zhvillohen studime dhe po hetohet në lidhje me rrezikshmërinë që ka ky lloj Covid-19. Nuk dimë të themi nëse është më i lehtë apo më i rëndë. Të paktën deri tani. Vaksinimi do të vazhdojë me muaj dhe që të shohim ndikimin e këtij mutacioni tek vakksina, duhet të kalojë pak kohë, që të shohim se si reagon një sistem imunitar,”- tha mjeku.
