Kreu i LDK-së, Isa Mustafa është shprehur se ka mundësi që brenda këtij viti të arrihet një marrëveshje mes Kosovës dhe Serbisë.
Sipas Mustafës, edhe Lajçak e kishte këtë bindje gjatë takimit të djeshëm. Mustafa theksoi se marrëveshja mund të arrihet këtë vit nëse partitë mazhoritare dhe opozitare bien dakord për të zgjedhur presidentin.
“Nëse punohet kështu atëherë agjenda do të bëhet që të jetë brenda kësaj periudhe kohore, dhe dje kur biseduam me zotin Lajçak, edhe ai kishte bindje se është punë që duhet të bëhet deri në fund të këtij viti, pa ndonjë premtim. Shprehi bindje se mund të arrihet
Koalicioni mund ta përballojë mandatin, por përballimi lidhet edhe me çështjen e zgjidhjes së presidentit. Nëse nuk zgjidhet presidenti shkohet në zgjedhje e do të jetë e komplikuar sepse pastaj hyjmë në zgjedhje për parlament e pas 5-6 muajsh kemi zgjedhjet lokale e është periudhë që nuk i përgjigjet shumë Kosovës. Nëse partitë e opozitës, nuk tregojnë që të ulemi bashkërisht se si të kapërcejmë çështjen e presidentit. Është moment sfide e për mua do të ishte shumë e rëndësishme që deri atëherë të përmbyllet dialogu dhe liberalizimi i vizave. Nëse ka përkushtim, sikur tash, të SHBA-së dhe nëse sigurohen linjat e bashkëpunimit mes SHBA-së dhe BE-së mendoj që do të përfundojë shpejtë dhe kjo është e rëndësishme edhe për ne”, tha ai.
