Kryetari i LDK-së, Isa Mustafa, ka komentuar videomontazhin e publikuar pak kohë më parë në rrjetet sociale, ku duket se ai ka vdekur dhe po varroset.
Në një intervistë për T7, Mustafa tha se kur motra e tij e ka parë këtë video, gati i ka rënë të fikët. Ai theksoi se lidhur me këtë ngjarje ka kontaktuar edhe me policinë, të cilët po e ndjekin si çështje.
“Motra ime e pa një video që njerëzit kanë shkuar tek varri im e kanë mbajtur fjalime aty e gati i ka rënë të fikët. Ajo u ka thënë të tjerëve pse nuk më tregoni që ka vdekur vëllai im. Jemi në një kohë kur njerëzit po vdesin dhe po varrosen po u bërë e madhe shumë. Kam kontaktuar me policinë dhe me sektorin për krimet kibernetike, ata po merren me të. Nuk mund të ja lë askujt. Kam pasur kërcënime nga militantët e VV-së. Por nuk dua të futem në akuza. Janë pamje brutale dhe kanë asgjë me pamjen e njeriut. Me logjikën. Ai që e ka bërë duhet të jetë i degjeneruar edhe nga pikëpamja njerëzor”, tha ai.
