Deputeti demokrat Myslym Murrizi është shprehur kundër bojkotit të Parlamentit. I ftuar në ‘Open’, Murrizi shpjegoi me ironi se pse nuk ka qenë në Parlament gjatë seancës së kaluar.
Ai e justifikoi me pjesëmarrjen e Ramës në Kuvend. Deputeti, për të shuar ‘gjakrat’, ka vendosur që të mos shkonte në Kuvend, për tu mos u dhënë shkas njerëzve, që të thonë se prania e tij e mbajti kryeministrin në pushtet.
“Nuk do të hyj në Parlament deri në datë 16, kur të largohet Rama. Po pres të rrëzohet, pastaj do të shkoj në Parlament. Nuk kam qenë që të mos u jap shkas njerëzve që të thonë se prania ime në Parlament, e mbajti Ramën në karrige”, deklaroi Murrizi.
“Pas datës 16, do të jem në Parlament sa herë që të ketë seanca”, shtoi deputeti i shkarkuar nga Kryesia e PD.
