Kryeministri Edi Rama pritet të zhvillojë një takim me elektoratin e tij në Vlorë, që shënon dhe fundin e fushatës zgjedhore të PS-së për këto zgjedhje vendore.
Ndërkohë, simpatizantë të Partisë Demokratike të këtij qyteti po protestojnë kundër kryeministrit. Me thirrjet “Rama ik”, ata janë nisur drejt vendit ku do të mbahet takimi i fundit elektoral i PS, me qëllim për të bllokuar mitingun.
Kujtojmë se Rama publikoi pak më parë disa fotografi të protestuesve të opozitës, ku bashkangjitur shkruan se: “Ja dhe çeta haxhiqamiliste e Vlorës gati për antimitingun enverist të radhës, “Rama Ik”, ku mungon vetëm Saliu me automatik, Luli me matrapik, Iliri me llastik dhe Fallxhorja me zhapik, po ama turpi i ngrënë me bukë vazhdon sistematik dhe revolucioni është bërë mekanik.”
