Pas pandemisë e cila duket se ka shuar një pjesë të botës, një lajm mjaft i mirë vjen nga Kina. Janë kërkuesit të cilët kanë nxjerë një vaksinë, e cila nëse funksionon, do ti japë fund koronavirusit.
Kina teston vaksinën e COVID-19 te njerëzit, e ndërsa rezultatet e para priten pas një muaji. Shkencëtarët pasi kanë testuar vaksinën tek njerëzit, kanë shpresë se janë në rrugë të mbarë. Një ditë më parë, studiuesit kanë nisur të bëjnë prova klinike të vaksinës së parë të zbuluar kundër koronavirusit në Kinë, e cila u testua tek 108 persona.
Këta persona që marrin pjesë në këtë studim, kalojnë një periudhë karantine. Ata duhet që të raportojnë çdo detaj mbi gjendjen e tyre shëndetësore tek studiuesit shkencor. Sakaq, mediat kineze raportojnë se do të duhet të paktën 1 muaj për të parë nëse do të jetë efektive kjo vaksinë apo jo.
Chen Wei, studiuesi që udhëhoqi kërkimet për vaksinën, thekson se nëse vaksina është e sigurtë, atë do ta testojnë edhe jashtë vendit përpara vjeshtës. “Nëse funksionon, do t’i japim fund pandemisë. Nëse rezultatet fillestare tregojnë se vaksina është e sigurt dhe pandemia vazhdon të përhapet, përmes bashkëpunimit ndërkombëtar, ne do ta testojmë jashtë vendit përpara vjeshtës”.
Ndërkohë, shteteve europiane u duhet të presin nëse ky rezultat është efektiv për Kinën, dhe më pas ajo do të testohet në Itali dhe në Spanjë.
