Një sizmolog italian ka deklaruar se tërmeti që tronditi Shqipërinë, me një forcë të tillë goditëse, mund të ishin regjistruar 300 viktima.
Sizmologu Alessandro Amato, drejtues i Qendrës Alert Tsunami i Institutit Kombëtar të Gjeofizikës dhe Vullkanologëve, gjatë një interviste të dhënë për mediat italiane ka thënë se situata mund të ishte edhe më dramatike.
“Me një magnitudë të tillë, mund të kishte 300 viktima. Nuk mund të thuhet se “shkoi mirë”, por mund të kishte qenë edhe më keq”, ka thënë ai, në një intervistë për “Corriere della Sera”.
Pak më herët, kryeministri Edi Rama tha se sot do të shpallet gjendja e jashtëzakonshme, për perimetrin që përfshiu tërmeti, qarqet Tiranë dhe Durrës.
