E dini se jo të gjithë pacientët e infektuar me koronavirus, përfundojnë në spital? Ekspertët e fushës janë të mendimit se mund të ketë një kategori që e kanë kaluar COVID-19, duke u angazhuar me jetën e përditshme, dhe nuk kanë nuhatur aspak faktin se kanë qenë të infektuar.
Po sipas studiuesve, ekziston mundësia që disa persona janë shëruar nga COVID-19 edhe para se të ketë filluar epidemia zyrtarisht. Nëse keni pasur forma të buta të këtyre simptomave, me siguri jeni përballur me këtë virus edhe ju.
Hulumtimi i bërë në Universitetin e Oksfordit ka treguar që ekzistojnë tetë shenja të qarta, të cilat dëshmojnë se jeni infektuar me COVID-19. Duke nisur nga kolla e thatë. Pas kollës së thatë vjen temperatura.
Ky është tregues më i shpeshtë i koronavirusit. Po kështu, vështirësi në frymëmarrje. Ndjenja e shtrëngimit në gjoks dhe pamundësia që të merrni frymë thellë gjithashtu shfaqen si simptoma. Hulumtimi i ri ka treguar që infeksioni i syve mund të jetë simptomë e koronavirusit.
Së fundmi është përmendur nga kërkuesit humbja e shqisës së dëgjimit dhe nuhatjes. Kohë më parë Asociacioni Britanik i Otorinolaringologjisë ka paralajmëruar që humbja e shqisës së dëgjimit dhe nuhatjes mund të jetë simptomë e koronavirusit. Një tjetër simptomë lidhet me problemet me stomakun. Ka rezultuar që nga 204 të infektuar, të cilët kanë marrë pjesë në studim, 48,5 për qind të tyre kanë paraqitur diarenë si simptomë.
