Presidenti Hashim Thaçi ka folur sërish për bisedimet dhe marrëveshjen që mund të arrijë mes Kosovës dhe Serbisë. Ai është shprehur se një marrëveshje e përhershme mund të arrihet, por kurrë nuk do të falet gjenocidi i kryer mbi popullsinë e pafajshme në kohën e luftës.
“Edhe mund të arrijmë marrëveshje paqësore me Serbinë, por kurrë nuk do të harrojmë krimet e Serbisë në Kosovë, që për fat të keq kurrë nuk kanë marrë dënimin e merituar, edhe pse herët a vonë gjenocidi i Serbisë do të ndëshkohet”, ka thënë ai.
Ai tha mes tjerash se sa herë kosovarët kanë qenë të bashkuar me aleatët kryesorë, përfshirë Shtetet e Bashkuara të Amerikës kanë dalë fitimtarë në çdo pengesë.
“Sa herë që kemi qenë të bashkuar në Kosovë dhe me aleatët tanë, veçanërisht me SHBA-në, kemi dalë fitimtar. E ardhmja mund të jetë e sigurt vetëm nëse jemi të bashkuar”, shtoi ai.
