Shteti fqinj, Italia, për disa muaj me radhë u “gjunjëzua” nga koronavirusi, mirëpo së fundmi fatmirësisht po ringrihet në “këmbë”.
E themi këtë pasi është shënuar numri më i ulët i viktimave në këto 2 muajt e fundit.
Autoritetet përkatëse bëjnë me dije se gjatë 24 orëve që lamë pas kanë ndërruar jetë 153 persona.
Përmirësim i ndjeshëm u regjistrua veçanërisht në Lombardi, ku pati vetëm 39 viktima.
Gjithashtu ulje ka pësuar edhe numri i të infektuarve të rinj.
Në harkun kohor të 24 orëve u konfirmuan 875 raste të reja pozitive.
Sa i përket të shëruarve, 2000 qytetarë kanë arritur që ta mposhtin COVID-19.
