Këngëtarja Albërie Hadërgjonaj ka ndërprerë kontratën e saj me kompaninë që i menaxhonte kanalin e saj në YouTube, me pretendimin se po përfitonin nga puna e saj. Ajo njoftonte me anë të postimeve në rrjetin e saj social Instagram, se është duke festuar shkëputjen nga Arkiva Shqip, dhe madje ka kontaktuar edhe avokatin e saj në SHBA për t’u marrë me çështjen.
Por kjo çështje e nxehtë nuk është lënë me kaq. Pasditen e djeshme, në emisionin “Ftesë në pesë” ishin të ftuar Albërie Hadërgjonaj dhe drejtuesit e Arkiva Shqip, Anxhela dhe Aldori.
Ata janë përballur LIVE, ndërsa biseda e tyre degradoi në sherr. Albëria tha se nuk ka bërë asgjë kundër kompanisë. Ajo i akuzoi për shfrytëzim dhe keqpërdorim të emrit të saj.
“Unë nuk kam bërë asgjë kundër tyre. Ato kane bere kundër meje. Kam qene shume transparente gjithmonë, jam jo shume mire emocionalisht sepse e gjithë kjo u degradua shume.
Unë nuk kam fyer artistë, ajo fjale ka dale ne bisede me këto. Këto kanë thëne që Shqipëria është mbushur me k*rva që këndojnë. Prandaj thashë mbani ato që kanë aty. Nëse dikush është fyer, i kerkoj falje. I kërkoj falje publikut! Mua më kanë torturuar. Këto kanë dëmtuar emra të mëdhenj. Më keni shfrytëzuar, keqpërdorur”, tha Albëria.
Nisur nga deklarata e saj, Aldori zbuloi se në tetë vitet e fundit Albëria ka marrë 3.200 euro në llogarinë bankare. “Ne tetë vitet e fundit ka marrë 3200 euro në llogarinë bankare. Dhe i bie 30 euro ne muaj”, tha ai.
Sipas Anxhelës, kompania i ka ofruar Albëries që t’i mbante këngët (të cilat janë fshirë nga ky kanal), por këngëtarja donte që t’i mbante në dy kanale njëkohësisht dhe kjo nuk ishte e mundur.
