Kreu i Grupit Parlamentar të Partisë Socialiste, Taulant Balla iu përgjigj thirrjes që bëri nga foltorja e Kuvendit, deputeti Ditmir Bushati kundër kontratës konçesionare për portin e Porto Romanos në Durrës.
Balla e cilësoi “histori patetike” diskutimin e Bushatit dhe tha se ky projekt po shqyrtohej që kur ai kishte qenë në qeveri.
Ai e ‘thumboi’ Bushatin, teksa deklaroi: “Fjala e kolegut m’u duk si e Grida Dumës”.
“Unë nuk kam qenë ndonjëherë anëtar i qeverisë, gjërat i shoh njëlloj, fjala e kolegut mu duk si e Grida Dumës, i shoh gjërat mirë jashtë, por nuk i shoh brenda. Ne duhet të japim shembullin, kur një kompani ecën mirë paguan taksat, kjo historia e diskutimeve patetike, gjoja në interes të njerëzve, por thjeshtë për të kapur lajmin e ditës nuk i shërben askujt”, tha Balla.
