Italia është mbërthyer nga koronavirusi, i cili deri më tani ka shkaktuar më shumë se 1,800 viktima në vend.
Me mijëra persona janë infektuar në shtetin fqinj, duke e kthyer Italinë tashmë në epiqendrën më të re të koronavirusit.
Në mesin e të infektuarve ka edhe nga personeli mjekësor, të cilët iu kanë shërbyer pacientëve të prekur.
Një mjek 57-vjeçar i cili rezultoi i infektuar në Itali ka arritur ta mposhtë këtë virus. Mirëpo sapo e mësoi këtë gjë mjeku kishte një kërkesë të pazakontë. Ai kërkoi të rikthehej sërish në postin e tij për të ndihmuar të infektuarit.
“Mua më shkoi mirë, temperaturën nuk e pata më të lartë se 37 gradë. Por dua të shkoj menjëherë në spital, sepse janë disa mjekë të tjerë në karantinë dhe aty ka shumë nevojë për mua”, thotë mjeku R. I.
I pyetur nëse izolimi është rruga e drejtë për t`u ndjekur, ai përgjigjet: “Po, sepse ky virus ka një aftësi përhapjeje, e cila nuk është parë kurrë më parë”.
